લાંભવેલ ખાતે શ્રી હનુમાનજી મંદિરના પુનઃનિર્માણ માટે યોજાયેલા પવિત્ર ખાતમુહૂર્ત સમારંભનો ભવ્ય આયોજન થયો હતો. આ પ્રસંગે માનનીય સાંસદ શ્રી મિતેષભાઇ પટેલ, ધારાસભ્ય શ્રી યોગેશભાઇ પટેલ, જિલ્લા મહામંત્રી શ્રી સુનિલભાઇ શાહ, પૂર્વ સાંસદ શ્રી દીપકભાઇ પટેલ, પૂર્વ કેન્દ્રીય મંત્રી શ્રી ભરતભાઇ સોલંકી તથા પૂર્વ એન.સી.પી. પ્રદેશ પ્રમુખ શ્રી જયંતભાઇ પટેલ ઉપસ્થિત રહ્યા હતા.
આ પવિત્ર સમારંભમાં મંદિરના પુનઃનિર્માણના કાર્યનો શુભારંભ ધાર્મિક વિધિ-વિધાન સાથે કરવામાં આવ્યો. ઉપસ્થિત મહાનુભાવોએ મંદિરના પુનઃનિર્માણના આ પવિત્ર કાર્યને આશીર્વાદ આપ્યા અને સમાજના ઉત્થાન અને ધાર્મિક એકતાના મહત્વ પર પ્રકાશ પાડ્યો. આ પ્રસંગે ગામના લોકો અને ભક્તોની મોટી સંખ્યામાં ઉપસ્થિતિ જોવા મળી, જેમણે આ ઐતિહાસિક ક્ષણનો ભાગ બનવાનો આનંદ અનુભવ્યો.
લાંભવેલ શ્રી હનુમાનજી મંદિરનું પુનઃનિર્માણ સ્થાનિક સમુદાય માટે ગૌરવની બાબત છે, અને આ પ્રોજેક્ટથી ધાર્મિક અને સાંસ્કૃતિક વારસાને વધુ મજબૂતી મળશે. આ સમારંભ એક નવા યુગની શરૂઆતનું પ્રતીક છે, જેમાં ભક્તિ, એકતા અને સમર્પણનો સંદેશ પ્રસરશે.
આણંદ થી જય શ્રીમાળી..